کبھی پہلا جملہ سنتے ہی مخاطب کے ذہن میں کوئی سوال پیدا ہوتا ہے۔ دوسرا جملہ اس سوال کا جواب بن کر آتا ہے، اگرچہ سوال زبان سے ادا نہیں ہوا۔ اس نسبت کو شبہِ کمالِ اتصال کہتے ہیں: گویا دونوں کے درمیان ایک مخفی سوال موجود ہے جسے دوسرے جملے نے حل کر دیا۔
«فَتُنَزَّلُ مَنْزِلَتَهُ فَتُفْصَلُ عَنْهَا كَمَا يُفْصَلُ الْجَوَابُ عَنِ السُّؤَالِ»
دوسرے جملے کو سوال کے جواب کے مرتبے میں رکھا جاتا ہے، اس لیے اسے پہلے سے جدا رکھا جاتا ہے، جیسے جواب سوال سے الگ ہوتا ہے۔
مثلاً «اس نے قبول نہیں کیا۔ وجہ یہ تھی کہ شرط پوری نہ ہوئی» میں دوسرا جملہ «کیوں قبول نہیں کیا؟» کے جواب کے طور پر سمجھا جاتا ہے۔