وَإِنْ مَاتَتْ فِيهَا حَمَامَةٌ أَوْ دَجَاجَةٌ أَوْ سِنَّوْرٌ: نُزِحَ مِنْهَا مَا بَيْنَ أَرْبَعِينَ دَلْوًا إِلَى خَمْسِينَ
ترجمہ: اور اگر کنویں میں کبوتر، مرغی یا بلی مر جائے تو اس سے 40 سے 50 ڈول پانی نکالا جائے۔
حَمَامَة کبوتر، دَجَاجَة مرغی اور سِنَّوْر بلی کو کہتے ہیں۔ یہ جانور چوہیا اور چھوٹی چڑیا سے بڑے ہیں، اس لیے ان کی موت کی صورت میں پانی نکالنے کی مقدار بھی زیادہ رکھی گئی ہے۔
یہ حکم بھی نہ پھولنے اور نہ گلنے سڑنے کی صورت میں ہے؛ جسم کے گلنے کی حالت میں جانور کا چھوٹا یا بڑا ہونا حکم کو محدود نہیں رکھتا۔