مقدم درست ہو تو تالی کیوں دیکھتے ہیں؟

قضیہ شرطیہ: متصلہ، منفصلہ اور ان کی قسمیں

متصلہ میں اکثر طالب علم صرف یہ پوچھتا ہے کہ مقدم فی الحال سچا ہے یا جھوٹا۔ مگر پہلے یہ سمجھنا چاہیے کہ مقدم سے تالی کا ربط کیا ہے۔
مثال: «اگر کوئی عدد 4 سے پورا تقسیم ہوتا ہے تو وہ 2 سے بھی پورا تقسیم ہوتا ہے»۔
عدد 8 اس کی مثال ہے: 8 کو 4 سے بھی اور 2 سے بھی تقسیم کیا جا سکتا ہے۔
عدد 6 مقدم کی مثال نہیں کیونکہ وہ 4 سے پورا تقسیم نہیں ہوتا، اگرچہ 2 سے تقسیم ہوتا ہے۔
شرط کے درست ہونے، نتیجے کے درست ہونے اور دونوں میں لازم تعلق ہونے کو الگ الگ پرکھیں۔