وَالْمُطَلَّقَاتُ يَتَرَبَّصْنَ بِأَنْفُسِهِنَّ ثَلَاثَةَ قُرُوءٍ
طلاق یافتہ عورتیں اپنے آپ کو تین قروء تک روکے رکھیں۔ (البقرۃ: 228)
لفظ «قروء» کو فقہائے احناف نے یہاں حیض پر محمول کیا، جبکہ شوافع کے ہاں اس سے طُہر مراد لیا جاتا ہے۔ دونوں آرا کا اختلاف تین کے عدد میں نہیں بلکہ اس چیز کی تعیین میں ہے جس کے تین ادوار شمار کیے جائیں گے۔
حیض کی تعبیر: عدت کا حساب تین حیضوں کی بنیاد پر ہوگا۔
طُہر کی تعبیر: عدت کا حساب تین اَطہار کی بنیاد پر ہوگا۔
اسی بنیادی فرق سے رجوع، نیا نکاح اور بعض مالی حقوق کے آخری وقت میں فقہی اختلاف سامنے آتا ہے۔