وَنَحْنُ مُؤْمِنُونَ بِذَلِكَ كُلِّهِ لَا نُفَرِّقُ بَيْنَ أَحَدٍ مِنْ رُسُلِهِ وَنُصَدِّقُهُمْ كُلَّهُمْ عَلَى مَا جَاءُوا بِهِ
ہم ان تمام امور پر ایمان رکھتے ہیں، اللہ کے رسولوں میں ایمان کے اعتبار سے فرق نہیں کرتے، اور سب رسولوں کی لائی ہوئی ہدایت کی تصدیق کرتے ہیں۔
ایمان بالرسل میں کسی نبی کو مان کر دوسرے نبی کا انکار کرنا درست نہیں۔ البتہ انبیائے کرام علیہم السلام کے فضائل اور درجات ایک جیسے نہیں۔
تِلْكَ الرُّسُلُ فَضَّلْنَا بَعْضَهُمْ عَلَى بَعْضٍ مِنْهُمْ مَنْ كَلَّمَ اللَّهُ وَرَفَعَ بَعْضَهُمْ دَرَجَاتٍ
یہ رسول ہیں؛ ہم نے ان میں بعض کو بعض پر فضیلت دی، ان میں کوئی وہ ہے جس سے اللہ نے کلام فرمایا اور بعض کو درجات میں بلند کیا۔ (البقرہ: 253)
پس سب کی نبوت کی تصدیق اور ان کے مراتب میں فضیلت کا فرق ایک دوسرے کے منافی نہیں۔