أَيَا شَجَرَ الْخَابُورِ مَالَكَ مُورِقًا، كَأَنَّكَ لَمْ تَجْزَعْ عَلَى ابْنِ طَرِيفٍ
اے خابور کے درخت! تم سرسبز کیوں ہو، گویا تم نے ابنِ طریف کے غم میں بے قراری ہی نہیں کی۔
شاعر خوب جانتا ہے کہ درخت فطری طور پر سرسبز ہے؛ وہ واقعۃً اس سے معلومات حاصل نہیں کرنا چاہتا۔ سوال کی صورت سے حیرانی، رنج اور ملامت کا تاثر پیدا کیا گیا ہے۔ یہی تجاہلِ عارف ہے، یعنی جانتے ہوئے ناآگاہ کے انداز میں بات کہنا۔
محض ہر سوال کو تجاہلِ عارف نہیں کہہ سکتے۔ حقیقی استفہام میں سائل مطلوب بات نہیں جانتا؛ یہاں سوال کرنے والے کی آگاہی خود سیاق سے واضح ہے۔