مقدمات کی ترتیب اور حدود کی حیثیت

الشکل الرابع — شرائطِ انتاج، ضربیں اور استدلال

کسی عبارت میں اوپر لکھی ہوئی سطر کو صرف اسی وجہ سے کبریٰ نہ کہیں کہ وہ پہلے لکھی گئی ہے۔ نتیجے کا موضوع اصغر اور نتیجے کا محمول اکبر متعین کرتا ہے؛ پھر انہی حدود کی مدد سے صغریٰ اور کبریٰ پہچانی جاتی ہیں۔

مثال:
ہر استاد انسان ہے۔
ہر خطاط استاد ہے۔
پس بعض انسان خطاط ہیں۔

اس مطلوب نتیجے کے اعتبار سے «انسان» اصغر، «خطاط» اکبر، اور «استاد» اوسط ہے۔ «ہر استاد انسان ہے» صغریٰ اور «ہر خطاط استاد ہے» کبریٰ ہے، چاہے کتابت میں دونوں سطروں کی جگہیں بدل دی جائیں۔