وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ
جملے کی ترکیب
دوسری معطوف غیر جازم شرط میں پہلا ٱنقَلَبُوٓا۟ فعلِ شرط اور دوسرا ٱنقَلَبُوا۟ جوابِ شرط ہے۔ فَكِهِينَ جواب کے فاعل سے حالِ منصوب ہے۔
آیت کا خلاصہ
اپنے گھروں کو لوٹتے تو مسلمانوں پر پھبتیاں کستے اور اپنی حالت پر اتراتے تھے۔
وَإِذَا — اور جب
گرامر: وَ حرفِ عطف اور إِذَا مستقبل کا غیر جازم شرطیہ ظرف ہے۔
ٱنقَلَبُوٓا۟ — پلٹ کے جاتے
گرامر: بابِ انفعال کا فعلِ ماضی، جمع مذکر غائب اور فعلِ شرط ہے۔ متصل و فاعل اور آخری الف، الفِ فارقہ ہے۔
إِلَىٰٓ — طرف
گرامر: حرفِ جر؛ نحوی حیثیت متعلق ہے۔
أَهْلِهِمُ — اپنے گھر والوں کے
گرامر: إِلَىٰٓ کی وجہ سے اسمِ مجرور ہے؛ متصل هِمُ اس کا مضاف الیہ ہے۔
ٱنقَلَبُوا۟ — پلٹتے تھے
گرامر: بابِ انفعال کا فعلِ ماضی، جمع مذکر غائب اور غیر جازم شرط کا جواب ہے۔ متصل و فاعل اور آخری الف، الفِ فارقہ ہے۔
فَكِهِينَ — باتیں بناتے
گرامر: نکرہ جمع مذکر اسم، جوابِ شرط کے فاعل سے حالِ منصوب اور یاء کے ساتھ منصوب ہے؛ آخری نون اسمی ہے۔