أَفَمَنْ يَخْلُقُ كَمَنْ لَا يَخْلُقُ
کیا وہ جو پیدا کرتا ہے، اس کے مانند ہو سکتا ہے جو پیدا نہیں کرتا؟ (النحل: 17)
اس آیت میں خالق اور غیرِ خالق کے فرق کو استحقاقِ عبادت کے باب میں دلیل بنایا گیا ہے۔ بحث یہ ہے کہ اگر انسان اپنے عمل کا مستقل مُوجِد مان لیا جائے تو اس اصطلاحی معنی میں ''خالق'' کی خاص صفت کا عموم کیسے برقرار رہے گا۔
البتہ کسی کو صنعت، ترتیب یا صورت گری کے لغوی معنی میں ''بنانے والا'' کہنا اللہ تعالیٰ کی الوہیت میں شریک ثابت کرنا نہیں۔ استدلال کا مرکز وہ مطلق خالقیت ہے جو عدم سے وجود بخشنے اور مستقل مؤثر ہونے کے دعوے پر مشتمل ہو۔