کبھی بولنے والا کوئی کام شروع کرتا ہے اور ابتدا میں چند الفاظ کہتا ہے؛ اس صورت میں خود فعل کا آغاز بتا دیتا ہے کہ کون سا جملہ مقدر ہے۔ جیسے قراءت کے آغاز میں بِسْمِ اللَّهِ کہنا۔
اگر محلِ استعمال تلاوت ہو تو اس کی مناسب تقدیر بِسْمِ اللَّهِ أَقْرَأُ یا أَبْدَأُ قِرَاءَتِي بِسْمِ اللَّهِ ہوسکتی ہے۔ اگر اسی عبارت کے ساتھ کھانا شروع کیا جائے تو مناسب فعل آكُلُ ہوگا۔
الفاظ ایک جیسے ہیں، مگر مقامِ استعمال مختلف ہونے سے محذوف کی تعیین بدل جاتی ہے۔
اس ترکیب میں باء حرفِ جر، اسم مجرور و مضاف اور اللہ مضاف الیہ ہے؛ جار و مجرور کا متعلق شروع ہونے والے کام سے سمجھا جاتا ہے۔