اطلاق، ثبوت اور تجدد کے ساتھ فرق

جامع پر اعتراضات کی تحقیق اور حسنِ وصل کے مزید اصول

کبھی دو خبریں ایسی ہوتی ہیں کہ ایک میں تجدد اور دوسرے میں ثبوت زیادہ مقصود ہے۔ اس مقام پر محض ظاہری تناسب کے لیے دونوں کو ایک ہی نوعِ جملہ بنا دینے سے معنی متاثر ہوسکتا ہے۔

مثلاً قَامَ زَيْدٌ وَعَمْرٌو قَائِمٌ
زید کھڑا ہوا اور عمرو کھڑا ہے۔

پہلے میں فعل کا واقع ہونا اور دوسرے میں موجود حالت کا بیان نمایاں ہے۔ یہ اسلوب اس وقت درست ہوسکتا ہے جب سیاق اسی فرق کا تقاضا کرے؛ اسے محض اس لیے غلط نہیں کہیں گے کہ ایک فعلی اور دوسرا اسمی ہے۔