صرف میں اشتقاقِ صغیر کے لیے مادے کے حروف اور ان کی ترتیب ملحوظ ہوتی ہے، جبکہ اشتقاقِ کبیر کی بعض صورتوں میں انہی حروف کی ترتیب بدل جاتی ہے۔ اس لیے محض صوتی قرب سے ایک اصلِ مادہ فرض نہیں کرنا چاہیے۔
«أَثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا»
کیا تم زمین سے چمٹ کر رہ گئے؟ کیا تم دنیا کی زندگی پر راضی ہوگئے؟
«الأرض» اور «أرضيتم» کے حروف میں ظاہری مناسبت ہے، لیکن دونوں کو ایک ہی صرفی مادے کے مشتقات کہنا درست نہیں۔ اس مثال میں شبه الاشتقاق کا ایک پہلو ظاہر ہوتا ہے: الفاظ ملتے جلتے محسوس ہوتے ہیں مگر ان کا اشتقاق مختلف ہے۔ یہی تحقیق حقیقی اشتقاق اور شبہِ اشتقاق میں فیصلہ کرتی ہے۔