وَعَلَامَةُ الْمُنْكَرِ فِي حَدِيثِ الْمُحَدِّثِ، إِذَا مَا عُرِضَتْ رِوَايَتُهُ لِلْحَدِيثِ عَلَى رِوَايَةِ غَيْرِهِ مِنْ أَهْلِ الْحِفْظِ وَالرِّضَا، خَالَفَتْ رِوَايَتُهُ رِوَايَتَهُمْ أَوْ لَمْ تَكَدْ تُوَافِقُهَا
ترجمہ: محدث کی روایت جب اہلِ حفظ اور قابلِ اعتماد ناقلین کی روایتوں سے مقابل کی جائے تو وہ ان کے خلاف نکلے، یا ان کی موافقت بمشکل کرے؛ یہی اس کے منکر ہونے کی علامت ہے۔
امام مسلم محض لفظ کی تعریف نہیں دے رہے بلکہ جانچ کا طریقہ بیان کرتے ہیں: متعلقہ شیخ کے محفوظ طرق جمع کیے جائیں، ان میں راوی کی موافقت و مخالفت کا تناسب اور نوعیت دیکھی جائے، پھر فیصلہ ہو۔ «لَمْ تَكَدْ تُوَافِقُهَا» شدید قلتِ موافقت کی تعبیر ہے، ایک الگ تھلگ لفظی فرق کی نہیں۔