وَبُرِّزَتِ ٱلْجَحِيمُ لِمَن يَرَىٰ
آیت کا خلاصہ
جہنم کو اس طرح ظاہر کردیا جائے گا کہ ہر دیکھنے والا اسے دیکھ سکے گا۔
جملے کی ترکیب
فعلِ مجہول وَبُرِّزَتِ کا نائب فاعل ٱلْجَحِيمُ ہے۔ لِمَن يَرَىٰ میں مَن اسمِ موصول اور يَرَىٰ اس کا صلۂ موصول ہے۔
وَبُرِّزَتِ — اور کھول دی جائے گی/ ظاہر کردی جائے گی
گرامر: وَ حرفِ عطف ہے۔ بابِ تفعیل، فعلِ ماضی، مجہول، واحد مؤنث غائب۔
ٱلْجَحِيمُ — جہنم
گرامر: ٱلْ حرفِ تعریف ہے۔ مرفوع، اسم اور نحوی طور پر نائب فاعل ہے۔
لِمَن — واسطے اس کے جو
گرامر: لِ حرفِ جر ہے۔ مَن اسمِ موصول ہے؛ نحوی طور پر اسمِ مجرور ہے۔
يَرَىٰ — دیکھتا ہو
گرامر: فعلِ مضارع، واحد مذکر غائب؛ نحوی طور پر صلۂ موصول ہے۔