«میں پانی پیوں گا» میں پانی اور پینے کے عام معانی قابلِ عمل بھی ہیں اور روزمرہ بول چال میں مستعمل بھی۔ ایسی صورت میں بلا قرینہ پانی سے کچھ اور چیز اور پینے سے کچھ اور فعل مراد لینا درست طریقہ نہیں۔
«وحقيقة مستعملة»
اور ایسی حقیقت جس کا استعمال جاری ہو۔
یہاں حقیقتِ مستعملہ موجود ہے۔ اگر کسی لفظ کا معروف مجازی مفہوم بھی ہو تو فیصلہ مزید قواعد کے تحت ہوگا۔ اس لیے صرف یہ دیکھنا کافی نہیں کہ حقیقت ممکن ہے؛ یہ بھی جاننا ہے کہ وہ معاشرتی زبان میں کس حد تک مستعمل ہے۔
«في القسمين الأولين يصار إلى المجاز بالاتفاق»
پہلی دو قسموں میں بالاتفاق مجاز اختیار کیا جاتا ہے۔
متعذرہ اور مہجورہ میں معتبر مجازی استعمال لیا جاتا ہے، جبکہ مستعملہ میں حقیقت کو مقدم رکھا جاتا ہے؛ البتہ معروف مجاز کی صورت میں آگے اختلاف ہے۔