«واصطلاحًا: هو تقدير الفرع بالأصل في الحكم والعلة»
اصطلاح میں قیاس یہ ہے کہ حکم اور علت کے اعتبار سے فرع کو اصل پر پرکھا جائے۔
اصل وہ مسئلہ ہے جس کا شرعی حکم معلوم ہے۔ فرع وہ نیا مسئلہ ہے جس کا حکم دریافت کیا جا رہا ہے۔ حکم وہ شرعی نتیجہ ہے جو اصل کے بارے میں ثابت ہے۔ علت وہ مؤثر وصف ہے جس کے ساتھ اس حکم کی نسبت قائم ہوتی ہے۔
مثلاً خمر کی حرمت اور اس میں پائی جانے والی نشہ آور خاصیت کو سامنے رکھ کر کسی دوسری نشہ آور چیز کے حکم پر بحث کی جاتی ہے۔ صحیح قیاس کے لیے مشابہت علت میں چاہیے، نام یا رنگ میں نہیں۔