کتاب کی توضیح کے مطابق حقیقت اور مجاز کا وصف خاص طور پر اسناد سے متعلق سمجھا جائے گا۔ کلام کو حقیقی یا مجازی کہنا اس اعتبار سے ہے کہ اس کے اندر ایک حقیقی یا مجازی اسناد پایا جاتا ہے۔
مثلاً فعل، اسم اور حرف اپنے لغوی معانی پر باقی ہوں لیکن فعل کی نسبت ایسے سبب کی طرف ہو جسے متکلم اصل فاعل نہیں مانتا، تو بحث پورے جملے کی نسبت میں ہوگی۔ یہ درست نہیں کہ محض لفظِ بہار یا بارش کو لغوی مجاز قرار دے کر مسئلہ حل کر دیا جائے۔
اس اصول سے بلاغت کے دو ابواب جدا رہتے ہیں: ایک استعمالِ لفظ کی کیفیت؛ دوسرا اسنادِ فعل کی کیفیت۔