اصل عبارت کی تفصیل میں «فيما بني له» کی قید سے واضح ہوتا ہے کہ فعل اپنے بنائے گئے صیغے اور دلالت کے اعتبار سے دیکھا جاتا ہے۔ معلوم اور مجہول کا بدلنا محض اعراب کی تبدیلی نہیں؛ اس سے جملے کا مرکزِ نسبت بدل سکتا ہے۔
«ضَرَبَ زَيْدٌ عَمْرًا»
زید نے عمرو کو مارا۔
«ضُرِبَ عَمْرٌو»
عمرو کو مارا گیا۔
پہلی مثال میں فاعلِ معلوم کے ساتھ انجامِ فعل کی نسبت ہے، جبکہ دوسری میں مفعول کے ساتھ فعل کے واقع ہونے کی خبر ہے۔ اگر صیغے کی اس جہت کو نظر انداز کر دیا جائے تو ایک صحیح اسناد کو بے وجہ مجازی قرار دینے کی غلطی ہو سکتی ہے۔