مجاز میں اصل اور منقول معنی کے درمیان نسبت کبھی مشابہت کی ہوتی ہے اور کبھی کسی دوسری مناسبت کی۔ مشابہت کی مثال موتیوں سے عمدہ کلمات مراد لینا ہے۔
دوسری قسم سمجھنے کے لیے دیکھیے کہ انگلی کی نوک کا ذکر کیے بغیر پوری انگلی کہا جائے تو کل بول کر جز مراد لینے کی صورت پیدا ہوتی ہے۔ اس میں دونوں معنی یکساں حسین ہونے کی وجہ سے نہیں ملتے بلکہ کل اور اس کے جز کے رشتے سے ملتے ہیں۔
اسی بنیاد پر استعارہ اور مجازِ مرسل میں امتیاز پیدا ہوتا ہے: استعارہ کی اصل مشابہت ہے، جب کہ مجازِ مرسل میں علاقہ مشابہت کے علاوہ ہوتا ہے۔