وَحَدَّثَنِي حَجَّاجُ بْنُ الشَّاعِرِ، حَدَّثَنَا شَبَابَةُ، قَالَ: قَالَ شُعْبَةُ: وَقَدْ لَقِيتُ شَهْرًا فَلَمْ أَعْتَدَّ بِهِ.
ترجمہ: حجاج بن شاعر نے مجھے حدیث سنائی؛ ہمیں شبابہ نے حدیث سنائی؛ انہوں نے کہا: شعبہ نے کہا: ’’میں شہر سے ملا تھا، مگر میں نے اسے (حدیث کے باب میں) قابلِ اعتداد نہیں سمجھا۔‘‘
فَلَمْ أَعْتَدَّ بِهِ شعبہ کا خاص نقدی فیصلہ ہے۔ اسے پوری علمی روایت پر بلا قید منطبق نہیں کیا جاسکتا؛ کسی ایک ناقد کی عدمِ اعتماد کی وجہ اور دوسرے معتبر ناقدین کے مثبت یا منفی فیصلوں میں نسبت قائم کرنا ہوگی۔