قیاس کی درست شناخت: مکمل مشق

الحجّة: قیاس، استقراء، تمثیل اور قیاس کی چار شکلیں

یہ استدلال دیکھیے:
ہر عالم انسان ہے۔
ہر انسان جاندار ہے۔
لہٰذا ہر عالم جاندار ہے۔

حدِ اصغر: عالم، کیونکہ نتیجے کا موضوع ہے۔
حدِ اکبر: جاندار، کیونکہ نتیجے کا محمول ہے۔
حدِ اوسط: انسان، کیونکہ دونوں مقدمات میں موجود اور نتیجے میں غیر مذکور ہے۔

صغریٰ میں انسان محمول اور کبریٰ میں موضوع ہے، لہٰذا یہ اقترانی حملی، شکلِ اول کا قیاس ہے۔ نتیجہ دونوں مقدمات میں لفظاً موجود نہیں، بلکہ ان کے ربط سے نکلا ہے۔