درست قیاس میں ایک ہی حدِ اوسط

معنوی مغالطے — فسادِ مادہ و صورت اور غلط استدلال

اس مغالطے کے مقابلے میں ایک صحیح قیاس دیکھیے:
كل إنسان ناطق
ہر انسان ناطق ہے۔
كل ناطق حيوان
ہر ناطق حیوان ہے۔
فكل إنسان حيوان
لہٰذا ہر انسان حیوان ہے۔

یہاں حدِ اوسط ناطق دونوں مقدمات میں ایک ہی نسبتِ کلی کے ساتھ آیا ہے۔ صغریٰ موجبہ اور کبریٰ کلیہ ہے، اور شکلِ اول کی شرائط پوری ہو رہی ہیں۔

اس سے ظاہر ہوتا ہے کہ کسی اضافی قید کو حذف یا شامل کرنا محض الفاظ کی معمولی تبدیلی نہیں؛ وہ منطقی مقدمے کا مضمون اور بعض اوقات خود نتیجہ بدل دیتا ہے۔